Pas 3 javësh sulmi kibernetik, rikthehet në normalitet “e-Albania”

113 563 lexime

124,178FansaPëlqeje

Pas thuajse 3 javësh nga agresioni kibernetik, shërbimet online për qytetarët dhe bizneset janë normalisht të aksesueshme.
Aktualisht, 1214 nga 1225 shërbime online që jepen në platformën e-Albania, mund të përdoren nga qytetarët dhe bizneset me të njëjtën shpejtësi dhe lehtësi si më parë.

Janë në funksion të plotë edhe shërbimet e:
– aplikimit të formularit për lëshim për herë të parë ose rinovim të pasaportës
– deklarimit të humbjes së dokumenteve të ndryshme
– ndihmës ekonomike për individët dhe vërtetimit mbi masën e përfitimit të ndihmës ekonomike
– kërkesë për të përfituar nga programet e strehimit social
– lista e notave dhe vërtetimi i diplomës për studentët që kanë ndjekur Universitetin e Tiranës.

Ndërkohë, stafi i inxhinierëve po punon për të kthyer në normalitet dhe shërbimet e fundit të mbetura siç janë: njehsimi i diplomave dhe certifikatave të lëshuara nga institucionet e huaja; vërtetimi i pagesës së aftësisë së kufizuar si dhe kryerja e pagesave të ujit dhe energjisë elektrike.

Nga dita e hënë do të mund të aplikohet edhe për Leje Ndërtimi (e-Lejet), vlerësimi të ndikimit në mjedis dhe përdorimit të burimeve ujore.

Sistemet elektronike të rikthyera se fundmi në funksionalitet të plotë janë:

– Sistemi i Qëndres së Botimeve Zyrtare;
– e-Inspektimi;
– Sistemi i menaxhimit tëinformacionit për burimet njerëzore të administratës;
– Sistemi elektronik i ndihmës ekonomike.

Gjithashtu, është funksionale posta elektronike zyrtare për të gjithë punonjësit e administratës. Janë forcuar mekanizmat e sigurisë së email-it zyrtar si dhe është bërë kalimi i çdo mailbox-i në infrastrukturën cloud.

AKSHI shpreh mirënjohje për të gjithë punonjësit e ekipit që ia dolën të rikuperojnë në një kohë rekord shërbimet publike online, si dhe skuadrën speciale të Microsoft për ndihmën gjatë gjithë këtyre ditëve.

Të fundit

Trajneri i Atletico Madrid, Simeone iu përgjigj pyetjeve të gazetarëve para ndeshjes ndaj PSG-së në Botërorin e klubeve. “Liga dhe...

Investimet gjermane në Shqipëri, ku shkojnë mbi 1.2 miliardë euro?

Vlora ka një vend të ri të depozitimit të mbetjeve. Landifilli i Sherishtës, pjesë e një bashkëpunimi financiuar gjerman ka nisur të funksionojë zyrtarisht....

“Ëndrra ime është Milani”, Igli Tare siguron kartonin e mesfushorit shqiptar

Milani është në pozita të favorshme për të blerë mesfushorin shqiptar të Club Brugge, Ardon Jashari. Igli Tare jo rastësisht po tenton të afrojë...

Presidenti i Qipros: Irani na kërkoi t’i përcjellim Izraelit “disa mesazhe”

Irani i ka kërkuar Qipros t’i përcjellë "disa mesazhe" për Izraelin, tha të dielën presidenti qipriot, Nikos Christodoulides. Zyra e tij bëri të ditur se...

Aksident në aksin Bilisht-Korçë, përplasen 2 automjete

Një aksident automobilistik ka ndodhur në aksin rrugor Bilisht-Korçë, ngjarje e cila mësohet të ketë ndodhur në afërsi të fshatit Cangonj. Sipas burimeve për A2...

Lajme të tjera

Web TV