“Iku vapa me gushtin”, duket se po merr kuptim që në fillim të muajit. Pas javësh temperatura të larta, më në fund termometri do të shënojë ulje.
Një sistem shumë i fortë stuhish me vetëtima dhe bubullima po qarkullon në Ballkan, e duket se do të prekë edhe vendin tonë.
Sipas Meteobalkan, tmosfera është destabilizuar fuqishëm në Bosnjë dhe Hercegovinë, perëndim të Serbisë si dhe në Kroaci dhe Mal të Zi.
Nesër kjo masë ajrore pritet të shtrihet edhe në Kosovë, shumë pjesë të Shqipërisë dhe Maqedonisë së Veriut,duke shkaktuar rebeshe të fuqishme shiu me vetëtima, bubullimë, erëra dhe breshër.
Ndaj, konsiderojeni të mos e harroni çadrën në shtëpi!
