Mbrëmjen e së hënës sherri mes dy fqinjëve tronditi Maliqin, ku një person mbeti i vrarë. Viktima e konfliktit u identifikua si Nestir Sotiri dhe autori Velo Azisllari.
Sakaq sot, janë zbardhur shkaqet e konfliktit mes dy fqinjëve. Dyshohet të kenë qenë sherri për qentë që autori Azisllari ka patur në shtëpi.
Ata shprehen se qentë janë bërë edhe herë të tjera problem në zonë, madje banorët e kanë denoncuar në një emision investigativ.
“Ka pasur probleme më para, por nuk e dimë. Nuk e kemi marrë vesh që të kenë ndonjë konflikt kaq, dy vite kemi që jemi kthyer nga Greqia”, shprehen fqinjët.
I shokuar nga ngjarja ka mbetur edhe vëllai i autorit, i cili i sapo kthyer nga Greqia.
“Në vitet që unë kam qenë këtu, ishin shumë shokë, shumë të dashur të respektuar. Nuk gjej fjalë të shprehem. Isha në gjumë, kur e shikon gruaja në televizor, hajde pak më thotë”, shprehet ai.
Ndërkohë, fqinjët shprehen se Nestir Sotiri dhe Velo Azisllari, nuk kanë pasur konflikte më parë mund të çonin deri në këtë ngjarje.
