Një aksident i rëndë ka ndodhur para pak minutash në afërsi të ish-sheshit “Shqiponja”, ku një ambulancë është përplasur me një tjetër makinë.
Policia bën me dije se për pasojë është dëmtuar pacientja K. I., 66 vjeçe, e cila është transportuar drejt spitalit ku ndodhet nën kujdesin e mjekëve.
Njoftimi i policisë
Më datë 10.08.2022, në afërsi të ish-sheshit “Shqiponja”, janë përplasur mjeti ambulancë me drejtues shtetasin E. D., 55 vjeç, me automjetin me drejtues shtetasin F. K., 33 vjeç.
Si pasojë e aksidentit është dëmtuar lehtë pasagjerja që ndodhej në ambulancë, shtetasja K. I., 66 vjeçe, e cila ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
