Real Madrid triumfoi në finalen e Superkupës së Europës duke fituar me rezultat të pastër 2-0, ku golat u shënuan nga Alaba dhe Benzema. Ekipi madrilen fiton superkupën e pestë europiane dhe trofeun e 98 në historinë e tyre.
Ndjekim disa prej titujve kryesor të mediave europiane për ditën e sotme:
Dita e sotme hapet me një titull kushtuar Real Madridit nga gazeta madrilene “AS”, e cila ka shkruar “Një Madrid i pangopur”. Skuadra e Ancelottit fiton Superkupën e saj të pestë europiane
Katalanasja “Mundo Deportivo” ka shkruar “Prova me kohë”. Barça, në pritje të levës së katërt, nxiton afatin për të regjistruar pesë nënshkrimet e saj plus Dembélé dhe Roberto.
“La Gazzetta dello Sport” hapet me merkaton e transferimeve të zikaltërve “ Skriniar qëndron (ndoshta)”. Interi e shet Pinamontin për 20 milionë te Sassuolo. Balancat e zikaltërve përmirësohen. A do të jetë e mjaftueshme për të mbajtur sllovakun në rast të një sulmi ndaj PSG?
“Të pangopur” është titulli i prestigjozes “Marca”. Madridi fiton Superkupën Europiane me një tjetër 90-minutësh klasi. Golat e Alaba dhe Benzema rrëzojnë Eintracht-in.
“Shtrirja përfundimtare e De Jong” ka shkruar “Sport”. Barça dhe Chelsea janë gati të mbyllin transferimin e lojtarit për më shumë se 80 milionë euro.
“Corriere dello Sport” hapet me shifrën që rritet “ Raspa, 33 milionë”. Pas mbylljes së marrëveshjes për Pinamontin, Sassuolo po përgatitet të heqë dorë nga sulmuesi. Napoli mund të ofrojë deri në 35 milionë euro për lojtarin.
“Allegri e hedh poshtë dhuratën” është titulli i torinezes “Tuttosport”. Martial dhe Depay janë opsione për bardhezinjtë, por trajneri i Juves zgjedh Kostiç -in.
Në Britaninë e Madhe, “Mirror Sport” nxjerr në pah ish-sipërmarrësin e United disa vite më pare dhe shkruan “Uknighted”. Michael Knighton pretendon se ai po lëshon një ofertë të madhe për të marrë kontrollin e ‘Djajve’nga Glazers.
