Kina mesa duket është “e frikësuar deri në palcë”, nga koronavirusi, që për ironi të fatit lindi aty. Shteti po ndjek një politikë strikte ”zero Covid-19” duke vendosur bllokime gjithëpërfshirëse dhe testime masive për çdo shpërthim.
Të vendosur për të eliminuar çdo mundësi të përhapjes së koronavirusit, autoritetet kanë vendosur të testojnë jo vetëm ekuipazhet e anijeve të peshkimit, por edhe peshqit.
Në Xiamen është parë e nevojshme që të gjithë peshkatarët t’i nënshtroheshin testeve për Covid -19, duke përfshirë peshqit dhe ushqimet e detit.
“Aktualisht të gjithë banorët në qytetin Xiamen duhet t’i nënshtrohen një testi për COVID- 19, si dhe peshqit që ata kapin,” sipas një zyrtari.
Deri më tani, nuk ka raportime për zbulimin e gjurmëve të koronavirusit në ushqimet e detit.
