Policja Anisa Kostani nga Elbasani, e cila “u bë e famshme” për faktin se mbante në shtëpi një gjarpër si kafshë shtëpiake, ka reaguar e revoltuar ndaj gazetarëve që sipas saj po nxijnë punën e Policisë së qytetit të saj.
Ajo ka reaguar një ditë pas vrasjes së Madrit Ulqinakut nga 18-vjeçari Horgito Peqini. Ky i fundit iku në drejtim të paditur duke mos rënë në duart e efektivëve, por sipas polices ky nuk është një detaj që duhet marrë parasysh pasi blutë e Elbasanit janë duke bërë një punë të shkëlqyer, të cilën vetëm “qorrat” dhe ata që i kanë marrë “provimet nga profesora Don Zhuanë” nuk e shohin.
Sipas saj gazetarët të cilët “shkruajnë keq” për Policinë e Elbasanit, e kanë marrë provimin prej “profesorave Don Zhuanë”.
