Rusia nuk i ka lënë të qetë ukrainasit, as në një ditë të shënuar për ta, si festa e Pavarësisë.
Të paktën 15 persona kanë mbetur të vdekur pas një sulmi në stacionin hekurudhor në rajonin e Dnipropetrovsk, në Ukrainë, nga raketat ruse. Ndërsa rreth 50 persona të tjerë bëhet me dije se kanë mbetur të plagosur. Lajmi është bërë i ditur nga presidenti ukrainas Volodymir Zelenksy.
E mërkura është festë kombëtare në Ukrainë që përkujton shpalljen e pavarësisë së vendit nga Bashkimi Sovjetik në vitin 1991. Ndërsa ka hyrë në muajin e gjashtë të pushtimit rus.
