Tottenhami i Antonio Contes duket se e ka nisur në mënyrën e duhur këtë sezon të ri në Premier Ligë ku ka fituar tre nga katër ndeshjet e para.
Një nga faktorët kyç të suksesit të londinezëve është padiskutim dhe koreani Heung-Min Son për të cilin tekniku italian ka folur me superlativa duke vlerësuar karakterin që ai tregon në fushë të cilin e ka cilësuar si të duhurin për atë që ai dëshiron për burrin e vajzës së tij në të ardhmen.
“Son është një burrë i jashtëzakonshëm, një njëri shumë i mirë. Nëse do të duhet të bëja një shembull do të thoja se nëse do të isha duke kërkuar një burrë për vajzën time ai do të ishte i duhuri.”, tha Conte duke buzëqeshur.
