Një ngjarje e rëndë ndodhi pasditen e sotme në rrugën “Islam Alla” në Tiranë, ku vëllai ka vrarë vëllanë dhe kunatën për shkak të një konflikti pronësie.
Fjala.al mëson se autori i këtij krimi është Arsen Muskurti, i cili njihet dhe me emrat Hamza Kastrati dhe Hamza Muskurti, ndërsa viktimat janë Dritan Muskurti dhe Nora Muskurti.
Burime për redaksinë bëjnë me dije se viktimat ishin prindër të tre fëmijëve.
Njoftimi i policisë:
Më datë 30.08.2022, në rrugën “Islam Alla”, dyshohet se si pasojë e një konflikti familjar, shtetasi A. M., dyshohet se ka qëlluar me armë zjarri drejt vëllait të tij shtetasit D. M., 44 vjeç, dhe një shtetaseje tjetër, ende të paidentifikuar, (dyshohet bashkëshortja e shtetasit D. M.) të cilët si pasojë kanë ndërruar jetë.
Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit.
Grupi hetimor nën drejtimim e Prokurorisë po punon për sqarimin e plotë të rrethanave të ngjarjes.
