Gjykata e Tiranës ka lënë me masën e sigurisë ‘arrest me burg’ Arsen Muskurtin. Ky i fundit u shfaq i përlotur në sallë, i heshtur dhe nuk lëvizi nga vendi, raportojnë mediat.
Avokati i tij ka thënë sot në gjykatë se klienti i tij e kishte armën me leje dhe se ka bërë 7 kallëzime ndaj kunatës dhe vëllait të tij.
Sipas avokatit, Suad Idrizi, autori i cili sot u la në burg është vetëdorëzuar ditën e ngjarjes dhe nuk ka tentuar të largohet. Mësohet se avokati ka kërkuar të kryhet akt ekspertimi mendor për klientin e tij, pasi në vitin 2018 Arsen Muskurti ka marrë mjekime për shkak të gjendje së tij mendore.
Arsen Muskurti u arrestua pak orë më pas nga policia, ndërsa arma e krimit u gjet në kasafortën e biznesit e tij dhe jo në një kosh mbeturinash, siç kishte deklaruar.
38-vjeçari vrau Alban dhe Nora Muskurtin dy ditë më parë brenda biznesit të tyre, pas konflikteve të vazhdueshme për pronat.
Ndaj Arsen Muskurtit janë ngritur dy akuza: “Vrasja në rrethana cilësuese” kundër dy ose më shumë personave dhe “Mbajtja pa leje dhe prodhimi i armëve, armëve shpërthyese dhe i municionit”.
