Hasbulla Magomedov ka pohuar se është ende shumë i ri për të menduar për martesën.
Sensacioni 19-vjeçar i mediave sociale po u përgjigjej disa pyetjeve teksa ndodhej në një turne në Australi.
Prezantuesi Kyle Sandilands pyeti:“Ti je një djalosh i ri shumë i njohur. A dëshiron të martohesh një ditë? Me çfarë lloj gruaje ndoshta do të martoheshe në të ardhmen?”
I famshmi i TikTok-ut u përgjigj përmes përkthyesit të tij se ai nuk është i interesuar për momentin.
Pasi Hasbulla u përgjigj, përkthyesi i tij tha: “Do ta mendoj më vonë. Unë jam shumë i vogël.”
Hasbulla aktualisht është në turneun e tij të parë, duke udhëtuar nëpër botë, duke pozuar për foto dhe duke ofruar zgjuarsinë e tij për një sërë temash.
Megjithatë, ka disa rregulla strikte për ata që dëshirojnë të marrin pjesë dhe të bëjnë një foto.
Për shembull, gratë nuk lejohen të fotografohen me të për shkak të bindjeve të tij fetare dhe kulturore.
“Ne e kuptojmë zhgënjimin që krijon kjo. Megjithatë, ne i njohim me respekt bindjet kulturore dhe personale të Hasbullës dhe duhet t’i plotësojmë kërkesat e tij në përputhje me rrethanat”,-shkruante një nga menaxherët e tij.
