Dua Lipa ka patur një verë shumë të ngarkuar me turneun e saj Future Nostalgia. Pas performancës në vende të ndryshme evropiane dhe në Shtetet e Bashkuara të Amerikës, këngëtarja po bën disa ditë pushim, para se të rifillojë turneun në Brazil, më 8 shtator.
Këngëtarja e Cold heart ka zgjedhur Ibizën, një nga destinacionet e preferuara të të famshmëve çdo verë, për të shijuar disa ditë pushime të merituara me miqtë e saj. Në ishullin Balearik ajo ka festuar ditëlindjen e saj të 27-të dhe gjithashtu i ‘ka vënë flakën’ rrjeteve sociale me ‘look-un’ e saj të guximshëm.
Artistja ka habitur fansat e saj me veshjet dhe bikinit që tregojnë më së miri stilin e saj si ‘kameleon’. Një nga modelet më të guximshme ka qenë një fustan i zi transparent, dhe një minifund asimetrik.
Dekoltetë e guximshme kanë rënë në sy edhe në veshje të tjera, si për shembull një kostum me një print veror në nuancat blu dhe jeshile, të cilin Dua e ka kombinuar me një çantë Dior.
Dua Lipa gjithashtu ka “përqafuar” trendin Barbiecore me një fustan pak të tejdukshëm me një dekolte të hapur dhe një detaj në fundin asimetrik. Ajo e ka kombinuar me sandale blu me platformë, një detaj që është rikthyer në trend në vitin 2022.
Në një tjetër ‘look’ për të shijuar festën në Ibiza, Dua ka zgjedhur teminat, me një set që bie direkt në sy, me pjesën e sipërme mikro-rrjetë, dhe fundpantallona me të njëjtin material.
“Tops” janë të preferuarat e Dua Lipës, që po ashtu i ka veshur në një darkë tjetër në ishullin Balearik, me një fund të gjatë të bardhë dhe një rrip të zi.
Bikinet dhe rrobat e banjës kanë bërë gjithashtu ‘bujë’.
Një nga më të pëlqyerat është, pa dyshim, një ‘body’ shumëngjyrësh pa rripa.
Dhe nuk ka dyshim që ngjyrat janë një nga ‘dobësitë’ e artistes britanike, e cila gjithashtu ka zgjedhur bikini lejla me xixa.
Nuk është çudi, pasi ajo këtë verë ka veshur disa modele të ngjashme rrobabanjosh, si me temina ashtu edhe me printe të ndryshme.
Burimi: La Vanguardia
