Humbja e mbretëreshës së Mbretërisë së Bashkuar në moshën 96-vjeçare ka prekur edhe banorët e Hasit.
Madje, Kreu i Bashkisë së Hasit, Liman Morina është shprehur se në sheshin kryesor të qytetit të Hasit do të vendoset busti i mbretëreshës Elizabeth II.
Moria tha për Euronews Albania se vendimi pritet të merret në mbledhjen e radhës së Këshillit Bashkiak, ku nënvizoi se do të financojnë emingrantët.
“Ideja e vendosjes së një statujë për Elizabeth II në Has do të jetë më e madhe. Hasjanët kanë përfituar nga Mbretëria e Bashkuar. Mbi 18% e familjeve hasjanë që ushqehen dhe mbahen falë Mbretërisë së Bashkuar. Këshilli Bashkiak do të marrë këtë vendim këtë të hënë për të marrë një vendimmarrjes për vendosjen e vendit dhe caktimin e sheshit. Në sheshin qendror do vendoset. Financimi do të bëhet nga emigrantët që jetojnë në Mbretërinë e Bashkuar”, u shpreh ai.
Mbretëresha Elizabeth II ndërroi jetë në moshën 96-vjeçare dhe hyri në histori si monarkja më jetëgjatë britanike. Ajo qëndroi në fron për 70 vjet, nga viti 1952 kur mori postin pas vdekjes së babait të saj.
