Gazetari i njohur i kronikës së zezë, Artan Hoxha ndodhet në Kolumbi, një nga vendet me kartelet më të fuqishme të prodhimit dhe tregtimit të kokainës.
Ai ka vizituar edhe qytetin e Medellinit, qyteti ku jetonte mbreti i kokainës, Pablo Escobar. Sot ai madje ka vizituar varrin e tij, ndërsa me ironi shkruan se Escobarit ia gjetën varrin, por si do ia bëjnë për ata që nuk pu u gjejnë as nam e as nishan, duke iu referuar Ervis Martinajt.
“Mbi varrin e mbretit te kokaines, narkotrafikantit me te madh ne bote, Don Pablo Escobar…
(1 dhjetor 1949- 2 dhjetor 1993)
Don Pablos, ja gjetem varrin te pakten, por si t’ia bejme me ata te tjeret, qe nuk po u gjejne as nam dhe as nishan…”, shkruan Hoxha.
Mesazhi i Hoxhës lidhet me zhdukjen e bujshme të Ervis Martinajt, për të cilin nuk ka informacion se ku ndodhet prej më shumë se një muaji.
