Shqipëria është kthyer edhe një herë në qendër të sulmeve kibernetike, ndërsa lajmi është bërë i ditur mëngjesin e sotëm nga kryeministri Rama.
Pasi sistemi TIMS ra pre e sulmit kibernetik nga Irani, Policia e Shtetit si masë parandaluese ka urdhëruar të gjitha drejtoritë dhe komisariatet të heqin internetin nga kompjuterat e punës.
Siç shkruan Top Channel, i mbyllur po qëndron edhe sistemi ADAM, i cili ka të gjitha ngarkesat penale të qytetarëve të arrestuar, ndaluar, apo dyshuar për një ngjarje.
Po ashtu, i bllokuar qëndron edhe sistemi MEMEX, i cili ka informacione sekrete mbi ngjarje dhe sistemi i Menaxhimit Policor të çështjeve, i cili ka gjitha veprimet e kryera nga policia.
