Sot në orën 18:00 Ilir Meta i Partisë së Lirisë dhe Sali Berisha i Partisë Demokratike, do të protestojnë tek inceneratori i Tiranës. Nxitimi i Metës për të “rrëmbyer” një kauz që sipas tij u ngrit nga partia që drejton.
Opozita e bashkuar do të dalë sot në protestën e përbashkët të thirrur nga kreu i Partisë së Lirisë Ilir Meta e të mbështetur nga Partia Demokratike e Sali Berishës.
Sot në orën 18:00 tek incneratorët e Tiranës do të jenë përfaqësuesit dhe mbështetësit të të dyja forcave politike, ndërsa pritet që ti bashkohen edhe qytetarët e tjerë.
Karta e inceneratorëve po luhet nga Ilir Meta dhe Berisha mund vetëm ta mbështesë edhe pse Partia Demokratike e Lulzim Bashës dhe e Sali Berishës kanë qenë aktive në deklaratat e abuzimit me inceneratorët nga kryetarët e bashkive. Ish-presidenti ftoi të gjithë qytetarët t’i bashkohen dhe të bëhen bashkë kundër korrupsionit dhe krimit.
“Do të mbështesim çdo protestë që bëjnë forcat politike, kundëër korrupsionit. Të martën që vjen protesta e parë tek inceneratori Tiranës. Protesta e parë e Partisë së Lirisë, në 13 shtator, ora 18:00, në inceneratorin e Tiranës, “kryeveprën” e korrupsionit të Qeverisë. Ftojmë të gjithë qytetarët. Ftojmë të gjithë ata që kanë dëshire të protestojnë”, tha Meta. Kreu i Partisë së Lirisë del për herë të parë në protestë pas lënies së Presidencës.
Ai ka mbështetur protestat qytetarë, siç ishte vdekja e Jonadës në Potam të Himarës, por edhe atë në Shijak e Xhafzotaj për djegien e plehrave.
Ilir Meta e ka thënë publikisht se karta e inceneratorëve është e Partisë së Lirisë dhe këtë ai ja ka bërë të ditur edhe Sali Berishës. Ndaj protesta e thirrur sot është e Ilir Metës dhe i bashkohet edhe Sali Berisha. Pritet që shtatori të jetë i ngjeshur me protesta dhe me deklarata kundër qeverisë, të paktën kështu janë shprehur vazhdimisht dy drejtuesit e opozitës.
Vetë Ilir Meta ka thënë se shtatori do të ketë ndryshime, dhe se do të ketë zgjedhje më herët se ato për kryetar bashkie. Nuk dihet se çfarë ka ndërmend Meta të bëjë në muajt në vijim, nëse Shqipëria shkon në zgjedhje të parakohshme apo jo. Shumë deputetë që nuk janë rreshtuar nga ana e Berishës kanë deklaruar se do të marrin pjesë në çdo protestë që ka të bëjë me vjedhjen dhe cënimin e qytetarëve. Por krah Metës dhe Berishës ditën e sotme nuk do të jenë ata që njihen si “grupimi Basha”.
Shumica e tyre janë shprehur se janë për ccdo lloj proteste, por duan të shikojnë agjendën politike të tyre, duke refuzuar edhe pjesëmarrjen.
Rëndësia e protestët varet në këtë rast edhe nga prania e personave, e cila është edhe një sfidë për vetë Metën që në një lloj mënyre do të masë forcat mbi mbështetjen që ka. Provën në këtë pjesë duket se e ka kaluar Berisha në protestën e mbajtur më 7 korrik ku arriti të grumbullojë një numër të madh protestuesish.
Në këtë vazhdë janë edhe takimet e Berishës nëpër rrethe ku tashmë e ka praktikë që para se të tharrasë një protest të madhe në Tiranë bën një tur me elekttoratin e PD-së në vende të ndryshme të Shqipërisë.
