Fiksimi me familjen mbretërore sa vjen e bëhet gjithnjë e më i madh. Thashethemet e pafundme tani kanë kaluar në një tjetër nivel, në teori të frikshme konspirative, sidomos pas vdekjes së mbretëreshës.
Teoricienët e konspiracionit pretendojnë se Mbretëresha Elizabeth vdiq muaj më parë dhe u zëvendësua nga një hologram në daljet publike. Këto pretendime kanë dalë nga të ashtuquajturit besimtarë të QAnon, përfshirë sugjerimin se monarkja e ndjerë u vra si pjesë e një plani më të gjerë.
Vetëm dy ditë para vdekjes, Mbretëresha u fotografua duke mirëpritur kryeministren e re Liz Truss në Kështjellën Balmoral në Aberdeenshire, Skoci.
Sipas këtyre pretendimeve, Truss u fotografua duke shtrënguar duart thjesht me një hologram të Mbretëreshës. Koha e njoftimit të vdekjes së 96-vjeçares është konsideruar gjithashtu si e fshehtë pasi 8 shtatori 2022 me sa duket shënon 1776, ditën që nga shfaqja e parë e QAnon.
Natyrisht, viti 1776 është thelbësor për lëvizjen e komplotit, pasi ishte viti kur Shtetet e Bashkuara fituan pavarësinë nga kurora britanike.
