Liverpool nuk ka hequr dorë dhe shpreson për të transferuar në të ardhmen mesfushorin e Real Madrid, Federico Valverde.
“Reds”-at përgatitën një ofertë prej 85 milionë paundësh (100 milionë euro) për uruguaianin dhe sipas “AS” kanë ndërmend të rikthehen sërish për të siguruar shërbimet e 24-vjeçarit.
Valverde është është lojtari më i përfolur momentalisht në Madrid pasi shënoi golin e fitores 2-1 në derbin kundër Atletico Madrid të dielën. Për të ishte goli i pestë këtë sezon, ndërsa trajneri Ancelotti vuri një bast me humor se ai mund të mbyllë karrierën në rast se Valverde nuk arrin që të shënojë 10 gola këtë sezon.
Valverde aktivizohet edhe në rolin e mesfushorit shkatërrues apo krahun e mbrojtjes dhe pikërisht për këtë gjë admirohet nga Jurgen Klopp.
