Mbrojtja e Juventus-it fut ujë. Ajo që shihet në fushë është e papranueshme për drejtuesit dhe nevojitet urgjentisht veprim. Përveç situatës së lartpërmendur të trajnerit, disa kambana alarmi janë ndezur në repartin e mbrojtjes te bardhezinjtë.
Çështja e trajnerit tashmë është diskutuar gjerësisht. Massimiliano Allegri është i varur nga një fije, pavarësisht besimit të Andrea Agnelli, drejtuesit do të shohin nëse do të vazhdojnë apo jo me të. Por te Juventus ka edhe një pyetje tjetër për t’u zgjidhur. Mbrojtja nuk ofron siguri. Në fund të sezonit të kaluar u largua Giorgio Chiellini, ndërsa në verë Matthijs De Ligt u shit te Bayern Munich.
Një investim i rëndësishëm u bë te Gleison Bremer dhe bardhezinjtë donin t’i jepnin besim një të riu si Federico Gatti, por në këto daljet e para është e qartë se klubi ka nevojë për një ndërhyrje, duke marrë parasysh edhe problemet fizike që mundojnë Bonuccin.
Me këtë rast programi francez ‘Telefoot’ ka zbuluar një emër jo të ri në pjesët e Torinos. Ai është Benjamin Pavard.
Ajo që na pëlqehet te Pavard është fleksibiliteti i tij, duke pasur parasysh aftësinë e tij për të luajtur si qendër ashtu edhe si mbrojtës i djathtë. Nga ana tjetër, megjithatë, ka shumë konkurrencë për lojtarin, duke qenë se bëhet fjalë për Chelsea, Atletico Madrid, Paris Saint-Germain dhe Manchester United të gatshëm për të bërë betejë në tingujt e milionave.
