Këngëtarja e njohur Shakira së fundmi ka folur për herë të parë lidhur me ndarjen e saj me futbollistin Pique.
Ndarje e tyre bëri shumë bujë dhe njerëzit ishin shumë kuriozë mbi marrëdhënien e tyre pas ndarjes. Shumë aludonin se Shakira po vuante shumë, të tjerë besuan se Pique e ka tradhtuar këngëtaren, por edhe pse kanë kaluar tashmë 3 muaj nga gjithë kjo zhurmë e madhe, Shakira e ka ende të vështirë të shprehet për marrëdhënien që la pas.
“Kam qëndruar e heshtur dhe thjesht jam përpjekur t’i përpunoj. Dhe po, është e vështirë të flasësh për këtë, veçanërisht sepse jam ende duke e përjetuar si gjë sepse jam në sy të publikut dhe sepse ndarja jonë nuk është një ndarje e rregullt. Dhe kështu ka qenë e vështirë jo vetëm për mua, por edhe për fëmijët e mi, tepër e vështirë”, shprehet Shakira.
Megjithatë, këngëtarja e “Hips Don’t Lie” po bën çmos për të mbrojtur fëmijët e saj nga ndarja dhe nga vëmendja e medias.
“Unë përpiqem ta bëj dhe t’i mbroj ata, sepse ky është misioni im numër një në jetë. Por më pas ata dëgjojnë gjëra në shkollë nga miqtë e tyre ose hasin disa lajme të pakëndshme në internet dhe kjo gjë i prek ata. Ndonjëherë ndihem sikur e gjithë kjo është një ëndërr e keqe dhe se do të zgjohem në një moment. Por nuk është kështu.”
