Presidenti brazilian Jair Bolsonaro e ka shfrytëzuar vizitën e tij në Britaninë e Madhe ku mori pjesë në homazhet në nder të mbretëreshës Elizabeth II, për të komentuar çmimin e naftës.
Ai u ndal në një pikë karburanti në Londër dhe postoi një video ku duket çmimi i karburantit. Ai u shpreh se kosto është dyfishi i çmimit mesatar në Brazil ndërsa shtoi se në Brazil kosto është ndër më të lirat në botë.
Videoja u postua në internet një natë para funeralit të Mbretëreshës. Disa në mediat sociale kritikuan pretendimin e Bolsonaros dhe thanë se nuk është një krahasim i drejtë pasi paga minimale e Brazilit është shumë herë më e ulët se ajo në Britaninë e Madhe.
