Mijëra rusë të dëshpëruar po përpiqen të ikin nga vendi për t’iu shmangur mobilizimit të Putinit, ndërsa radhët e gjata prej kilometrash krijohen për të ikur në vendet kufitare.
Ndaj, “të dëshpëruara”, autoritetet ruse po planifikojnë të mbyllin kufijtë për burrat në moshë mobilizimi, ka thënë një burim pranë Administratës Presidenciale të Federatës Ruse.
Burimi i Kremlinit tha për Meduza, një faqe e pavarur ruse e lajmeve, se masa ka të ngjarë të hyjë në fuqi të mërkurën, më 28 shtator.
Të mërkurën, presidenti rus Vladimir Putin mbajti një fjalim të jashtëzakonshëm dhe njoftoi një “mobilizim të pjesshëm” të menjëhershëm në një përpjekje për të rimbushur radhët në vijën e frontit në Ukrainë .
Ministri i Mbrojtjes Sergei Shoigu përshkroi më shumë detaje rreth dekretit, duke thënë se mobilizimi do të prekë vetëm rusët me përvojë të mëparshme ushtarake dhe rreth 300,000 njerëz do të thirren.
Kjo çoi në një eksod masiv të burrave rusë të moshës ushtarake që iknin nga vendi për të shmangur rekrutimin. Biletat e fluturimit u rritën dhe biletat për në vendet që nuk kërkojnë vizë, si Turqia dhe Azerbajxhani u shitën menjëherë.
Ikja masive ka zemëruar njerëzit në Kremlin, prandaj urdhri i ri ka mundsi të mbyllë të gjithë kufijtë e vendit.
