Shefi Ekzekutiv i Pfizer. Albert Bourla njoftoi të shtunën se ai kishte rezultuar pozitiv me COVID-19, për herë të dytë brenda 40 ditësh. 60-vjeçari i cili ishte infektuar edhe në mes të gushtit, e bëri të ditur këtë gjë në rrjetet e tij sociale.
“Unë ndihem mirë dhe nuk kam simptoma,” tha Bourla në Twitter .
Ai ka marrë katër doza të vaksinës anti-COVID të zhvilluara nga Pfizer dhe partneri i saj gjerman BioNTec. Shefi ekzekutiv theksoi se ai nuk e ka marrë ende përforcuesin e ri bivalent, që synon të trajtojë nënvariantet BA.5 dhe BA.4 të Omicron, të cilat përbëjnë përkatësisht 84.8% dhe 1.8%, të të gjitha varianteve qarkulluese në Shtetet e Bashkuara
“Unë nuk e kam pasur ende përforcuesin e ri bivalent, pasi po ndiqja udhëzimet e CDC për të pritur tre muaj që nga infektimi im i mëparshëm në mes të gushtit,” u shpreh Bourla.
I have tested positive for COVID. I’m feeling well & symptom free. I’ve not had the new bivalent booster yet, as I was following CDC guidelines to wait 3 months since my previous COVID case which was back in mid-August. While we’ve made great progress, the virus is still with us.
— Albert Bourla (@AlbertBourla) September 24, 2022
