Një udhëtim pune është kthyer në arsye për panik për këngëtaren Aurela Gaçe. Ajo ka ‘ngecur’ në Florida, që pritet të goditet nga një uragan i fuqishëm.
Lajmin e ka bërë me dije vetë këngëtarja me anë të një postimi në Instagram, ku shprehet se është në gjendje të mirë.
“Përshëndetje të gjithëve, uroj të jeni mirë. Edhe unë jam mirë, por momentalisht ndodhem në Florida në Amerikë dhe vendi ku unë ndodhem pritet të goditet nga një uragan i fuqishëm. Nuk është në dorën time. Janë mbyllur aeroportet, portet, na kanë evakuauar nga hotelet ku ndodheshim. Tani ndodhem në një vend më të sigurtë në shtëpinë e miqve të mi,”-tregoi ndër të tjera Aurela.
