Copëtimi i Shqipërisë vazhdon të mbetet edhe sot ‘plagë’ në zemrën e çdo shqiptari, si dhe në kujtesën kolektive të popullit.
Analisti Roland Qafoku, ka publikuar sot në rrjetin e tij social Facebook, një nga “pasojat” e copëtimit. Ai ka ndarë një hartë të rrallë, të Evropës, me popullsinë në vitin 1914. Trishtues është fakti që Shqipëria numëronte 800 mijë banorë, shumë më pak se sa ishte popullsia jonë reale.
Qafoku shkruan se harta është publikuar së fundmi nga disa historianë dhe gjeografë të huaj.
Statusi i plotë:
Sa banorë kishte Shqipëria në vitin 1914? Një hartë e rrallë me numrin e popullsisë për ne, por edhe për shtetet e kontinentit evropian, e publikuar së fundmi nga disa historianë dhe gjeografë të huaj. Kishim vetëm dy vjet që ishim shpallur shtet dhe me atë që quhet ende si “Shqipëria londineze” numëronim 800 mijë banorë. Sigurisht shumë më pak se sa ishte popullsia jonë reale, pasi territore të tëra që nga Nishi deri në Prevezë qendruan jashtë kufijve etnikë shqiptarë sepse fuqitë e mëdha ia dhanë Malit të Zi, Serbisë dhe Greqisë. Sa dhemb ky copëtimi që na kanë bërë!
