Një listë e publikuar nga hakerat iranianë, dhe që u pretendua se ishte pjesë e sistemit MEMEX por që u përgënjeshtrua ashpër nga autoritete shtetërore, kishte emra të të dyshuarve të policisë.
Por në 49 file-t e publikuara me gjeneralitete dhe foto të personave me shtetësi shqiptare, të titulluara “Albanian Suspects”, ka edhe shumë emra të tjerë të jetës publike në vend. Në listën e hakerave gjenden edhe këngëtarët Rigels Rajku, njohur me emrin Noizy dhe Arkimed Lushaj, njohur me emrin Stresi. Listës nuk i mungon as ambientalisti Sazan Guri.
Në listë gjendet edhe Voltana Ademi, ish-deputeti i PD Korab Lita dhe ish-kryebashkiaku i Vlorës, Shpëtim Gjika. Gjithashtu edhe gazetarë si Armand Shkullaku apo edhe aktivisti Adriatik Lapaj.
Në materialet e publikuara, hakerat iraniane pretendojnë se gjenden të dhënat e mbi 105 mijë personave. Në një reagim zyrtar policia e shtetit e ka hedhur poshtë këtë pretendim duke theksuar se të dhënat nuk kanë rrjedhur nga sistemi MEMEX. Mes emrave të listës misterioze të publikuar nga hakerat iranianë përfshihet edhe këngëtari i muzikës popullore Spartak Xhaferri, i njohur për këngën e titulluar “Qejf o qejf o qerrata”.
Kujtojmë se policia dhe Qeveria ka mohuar kategorikisht që kjo listë të jetë MEMEX. Në fakt, në listën e publikuar nga hakerët iranianë, nuk kuptohet se ku e ka origjinën kjo database. Ka dhe një element të dukshëm në krye të çdo faqeje me fotot e të pretenduarve qytetarë të dyshuar, ku shkruhet në anglisht: Albanian suspects (Shqiptarët e dyshuar). Nëse database do të ishte e Policisë Shqiptare dhe në të janë emra të shqiptarëve të dyshuar, përse dokumenti duhej të ishte në gjuhën angleze.
