Ish-kryeministri Sali Berisha, ka dhënë një intervistë ndryshe për Roza Latin, ku ka folur edhe për jetën private krahas politikës.
Kreu i PD-së ndau me ndjekësit e ‘WhyNot’ në Rtv Ora emocionet për martesën e të birit.
“Dasma është një moment gëzimi, shumë i veçantë. Është ceremonia e jetës së njeriut në të cilën mbi të gjitha ndan gëzimin me gjithë të tjerët. Ishte një dasmë ku Shkelzeni dhe Armina ndanë gëzim me gjithë të ftuarit. Meqenëse nuk më kishin ngarkuar asnjë detyrë isha më i lehtësuari aty pasi ata kanë pasur shumë ngarkesë në përgatitjen e saj. Por kishin bërë një punë të shkëlqyer, i përqafoj”, tha ai.
Sakaq, nuk i kurseu aspak superlativat për Arminën, që e konsideroi vajzën e dytë.
“Armina erdhi në shtëpinë tonë si vajza jonë e dytë dhe ka të gjithë dashurinë dhe respektin tonë”, tha Berisha.
Kujtojmë që dasma e çiftit, u mbajt vetëm pak javë më parë, dhe ishte një nga më të komentuarat në media.
