Një situatë qesharake është ka ndodhur gjatë ditës së sotme sa i përket axhendës së ndeshjes mes Erzenit dhe Kukësit.
Në axhendën e planifikuar më parë Federata kishte vendosur që ky takim të luhej këtë të shtunë në orën 15:00 në stadiumin “Niko Dovana”.
Por, ditën e sotme është raportuar se Federata ka spostuar takimin për ditën e hënë, duke marrë miratimin dhe të kompanisë Oversport që ka të drejtën televizive të Kategorisë Superiore. Si FSHF ashtu dhe Oversport në bashkëpunim me klubin e Kukësit kishin vendosur që ky takim të luhej të hënën në orën 15:00 me arsyen e çuditshme që vetëm në Shqipëri ndodh: “Disa lojtarë të verilindorëve janë me virozë”.
Pas gjithë kësaj situtate absurde dhe qesharake ka ardhur pak orë më parë dhe reagimi i skuadrës së Erzenit.
Në njoftimin e klubit të Erzenit theksohet se ndeshja do të zhvillohet rregullisht sipas kalendarit të përcaktuar më parë, pra ditën e shtunë në orën 15:00.
Nga ana tjetër, Departamenti Garave në Federatën Shqiptare të Futbollit ka njoftuar se sfida do të zhvillohet ditën e hënë në orën 15:00.
Kaq mjafton për të kuptuar se në çfarë kampionati qesharak e ka kthyer Federata Shqiptare e Futbllit, Kategorinë Superiore.
