Shumica e të rinjve pa dyshim i njohin dhe ‘vdesin’ për ta. E kemi fjalën për grupin e njohur korean, BTS.
Së fundmi, një lajm tronditës ka ardhur për fansat e muzikës së tyre,
Shtatë anëtarët e “BTS” do të kryejnë shërbimin ushtarak në Korenë e Jugut, ka konfirmuar kompania menaxhuese e tyre. Ata do të shërbejnë secili gati dy vjet në ushtri.
Shumë fansa të yjeve shpresonin se ata do të përjashtoheshin nga ligji, për shkak të kontributit të tyre në ekonominë e Koresë së Jugut dhe prestigjin ndërkombëtar. Jin, anëtari më i vjetër i grupit, do të jetë i pari që do të ndërrojë veshjen e tij të skenës me një uniformë menjëherë pasi të mbushë 30 vjeç në dhjetor.
Gjashtë anëtarët e tjerë, të lindur midis 1993 dhe 1997, do të ndjekin shembullin, me grupin që pritet të reformohet rreth vitit 2025, sipas kompanisë së tyre të menaxhimit, Big Hit Music.
