Vëllai i të ndjerit Sokol Olldashi, Ardian Olldashi ka reaguar pas deklaratës së kreu të PD, Sali Berisha, i cili në një intervistë tha se Sokol Olldashi bëri gabim gjatë përballjes me Lulzim Bashën.
Berisha tha se për garën për kryetar partia Olldashi gaboi duke dalë me mbështetjen e strukturave, ndryshe nga Basha që doli me anëtarët.
Ardian Olldashi me anë të një reagimi në rrjetet sociale thotë se deklarata e Berishës është e pavërtetë, teksa shkruan se ka qenë vetë ish-kryeministri që sipas tij ka kërcënuar krerët e degëve të PD për mos të ndihmuar Sokol Olldashin që sipas të dhënave ishte para në këtë zgjedhje.
“Nuk është e vërtetë! Ti e di mirë që Koli fitonte me çdo formulë. Të mërkurën në darkë, pra në Datën 26.06.2013 Basha të erdhi në zyrë gati duke qarë dhe u këshillua me ty për një tërheqje të mundshme të tijën. Për ç’arsye? Për arsyen se të dhënat që vinin e jepnin Kolin në avantazh. Ti ke marrë personalisht në telefon pothuajse çdo kryetar nëpër rrethe. Natyrisht jo për t’i uruar natën e mirë, sepse në fakt ishte darkë, por për t’i kërcënuar me shprehje që më mirë mos t’i përsërisim. Ty dhe jo vetëm ty të vjen spontanisht pyetja: Nga i ditkam unë këto gjera? I di nga ata që atë darkë ishin prezent në zyrën tënde. Fatkeqsisht politika është i vetmi zanat për të cilin nuk bëhet shkollë. Rezultatet duken”, shkruan Olldashi në postimin e tij./Newsbomb.
