Arabia Saudite veç bukurive natyrore si dhe ndërtesave të larta e të bukura që i ka, njihet edhe për projektet inovatore, të padëgjuara askund tjetër.
I fundit është një megaqytet prej 1 trilion dollarësh, i cili pritet të jetë 170 kilometra e gjatë. Pamjet mbresëlënëse me dron kanë treguar se kanë nisur punimet, për projektin gjigant.
Krahas ‘The Line’, do të ndërtohen edhe shumë projekte të tjera si një vendpushim skish dhe strehim për qeverinë saudite.
Ekskavatorë të shumtë mund të shihen duke gërmuar një llogore të gjerë lineare në shkretëtirë, me ndërtues gjithashtu në terren që monitorojnë përparimin e tyre. Po ashtu, ka disa pamje të një vrime gjigante që mund të jetë fillimi i ndërtimit për një sistem transporti që do të ndërtohet nën gjatësinë e qytetit.
Ky sistem i ri transporti është krijuar për të minimizuar ndarjen mes natyrës dhe qytetarëve dhe shpresa është që duke përdorur trenat me shpejtësi të lartë, banorët do të mund të udhëtojnë nga njëra anë e qytetit në tjetrën në vetëm 20 minuta.
Megaqyteti u zbulua zyrtarisht në fillim të këtij viti dhe është projektuar për të strehuar nëntë milionë njerëz. Ai do të jetë 500 metra i lartë dhe do të ketë një fasadë të pasqyruar, me megaqytetin që pritet të jetë afërsisht në të njëjtën madhësi me shtetin e Massachusetts.
Planet për të ndërtuar një megaqytet u bënë nga princi i kurorës Mohammed bin Salman Al Saud.
