Giorgia Meloni është kryeministrja e re e Italisë, por duket se qëndrimet e saj do të jenë ndryshe nga të ‘paraardhësve’.
Ajo ka përdorur fjalimin e saj të parë për deputetët për të theksuar synimin e saj për të ndaluar anijet me emigrantë që kalojnë Mesdheun.
“Ne duhet të ndalojmë nisjet e paligjshme dhe trafikimin e qenieve njerëzore,” tha ajo, duke përsëritur një premtim të fushatës për të ndaluar anijet që shkojnë në Itali nga Afrika e Veriut.
Për vite me radhë Italia ka qenë një qendër për emigrantët e parregullt që shkojnë drejt Evropës. Më shumë se 77,000 kanë bërë kalimin shumë të rrezikshëm drejt Italisë këtë vit, duke ushtruar presion mbi komunitetet lokale.
Meloni, drejton partinë Vëllezërit e Italisë dhe ka ardhur në pushtet në krye të një koalicioni të krahut të djathtë.
“Ne nuk synojmë në asnjë mënyrë të vëmë në dyshim të drejtën e azilit për ata që ikin nga luftërat dhe persekutimet. Gjithçka që duam të bëjmë në lidhje me emigracionin është të ndalojmë trafikantët e njerëzve që të kenë zgjedhjen për të vendosur se kush hyn në Itali,” tha ajo.
