Tre persona janë arrestuar gjatë operacionit nga autoritetet italiane dhe SPAK, ndërsa 5 të tjerë janë shpallur në kërkim në Shqipëri pasi kishin zhvatur miliona euro nga mashtrimet online përmes bursave dhe i investonin në kriptovaluta.
Në pranga ra pronari i një Call Center në Tiranë dhe 2 persona të tjerë.
Autoritetet italiane zbuluan nga përgjimet e rreth 42,000 telefonatave të bëra në këto qendra “Call Center” në Tiranë, se vlera e parave të përfituara nga mashtrimi i italianëve arrin në 3 milionë euro.
Të arrestuarit janë Elisa Caci, Valbona Abedinaj dhe Gilberdo Pushani.
Kujtojmë se janë shpallur në kërkim edhe 5 persona të tjerë.
