Një seri shpërthimesh u dëgjuan në kryeqytetin e Ukrainës, Kiev, mëngjesin e sotëm (e hënë), ndërsa autoritetet rajonale në pjesën veriore, lindore dhe qendrore të vendit folën për sulme me raketa.
Tymi u ngrit mbi Kiev pas rreth 10 shpërthimeve, sipas Reuters. Siç thanë gazetarët e AFP, pesë shpërthime u dëgjuan në kryeqytetin ukrainas nga ora 08:00 deri në 08:20.
Ndërkohë, Ihor Terekhov, kryebashkiaku i Kharkiv, tha se qyteti ishte goditur nga dy raketa që synonin “objektet kritike të infrastrukturës”.
Rusia ka shtuar sulmet ajrore kundër Ukrainës javët e fundit pasi fajësoi Kievin për një shpërthim që dëmtoi urën e Krimesë.
