Krahas angazhimit në gazetari, Erla Mehilli ka qenë këshilltare e ish-kryeministrit Sali Berisha për shumë vite.
Ajo flet shpesh për të, duke mos ia kursyer asnjëherë lavdërimet e vlerësimin.
Ermal Peçi në ABC News, ku Mëhilli ka qenë e ftuar e ka pyetur, si pjesë e ekranit sa ndikon njohja që ajo ka me të për ta pasur në programin e saj.
“Në marrëdhënien time me doktorin nuk mund të më hyj askush në mes sepse kam qenë 12 vjet zëdhënësja e Sali Berishës. Dhe sigurisht që kur vjen puna për të zgjedhur Sali Berisha do më zgjedhë mua përpara se këdo tjetër”, tha Mëhilli.
Sa i përket Edi Ramës nga ana tjetër, ajo u pyet nëse ka ka qenë në siklet kur e ka intervistuar.
“Unë e kam intervistuar dy herë. Vjet e kisha shumë këtë frikë, por u soll në mënyrë shumë korrekte përveçse nja dy batutave që atij i shkojnë. Fakti që unë ka punuar me një kryeministër nuk e kam kompleks kur takoj ambasador, ministra apo kryeministra”, tha gazetarja.
