U deshën vetëm tre ditë pasi një hartë e fotoshopuar që tregon Listenbourg, një vend imagjinar i futur rastësisht në gadishullin Iberik, u shfaq në mediat sociale në formë shakaje për të tallur amerikanët arriti të pushtonte botën.
Sipas mediave, në fillim, nuk ishte gjë tjetër veçse një tallje ndaj amerikanëve dhe mungesa e supozuar e tyre e njohjes së gjeografisë.
“Jam i sigurt që amerikanët nuk e dinë as emrin e këtij vendi,” tha përdoruesi i Twitter-it Gaspardo më 30 tetor, duke shoqëruar një hartë me një shigjetë të kuqe që tregon pllakën e tokës, e shtuar lirshëm midis Spanjës dhe Portugalisë dhe me ngjyrë jeshile, duke nënkuptuar se ky ishte një vend anëtar i BE-së.
Kush nuk e njeh Listenbourg?”- u përgjigj një përdorues dhe kaq u desh që të lindte një meme dhe postimi të bëhej viral në Twitter.
Në kohën e shkrimit, postimi mblodhi më shumë se 95,000 pëlqime dhe mijëra shpërndarje në Twitter, ndërkohë, disa vendosën ta çojnë shakanë në një nivel tjetër, duke pretenduar se vendi ishte në të vërtetë real. Një hartë satelitore me definicion të lartë zëvendësoi atë origjinale, ndërsa në Reddit, një kanal u shfaq shpejt, duke pretenduar se Listenbourg ka çmimin e tij të madh të Formula 1 dhe se astronautët e tij ishin pjesë e një misioni në Hënë.
Disa e çuan lojën në një tjetër nivel: Ja edhe pasaporta.
Njerëzit në Reddit nisën të shpiknin informacione në dukje reale: si për shembull që Listenbourg ka çmimin më të madh të Formula 1 dhe se astronautët e tij ishin pjesë e një misioni në Hënë.
Një tjetër postim në Twitter pohoi se mbreti i Listenbourg, Listen XV, ishte, në fakt, Mbreti Diell i parë, i cili shkoi në luftë kundër Louis XIV për titullin prestigjioz në 1661.
Në YouTube, në një llogari zyrtare të supozuar të qeverisë së Listenbourg, u shfaq himni dhe flamuri kombëtar.
