Në një takim me sipërmarrësit, numri një i Partisë Demokratike, Sali Berisha tha se kishte gati një paketë fiskale për biznesin duke shpjeguar planin e tij.
Berisha tha se beson tek taksat e ulëta, duke shtuar se për një kategori biznesesh do të ketë 0 taksa për 5 vitet e para. Por sigurisht që përjashtoi kontributet shoqërore.
“Ne do rikthejmë tek 6 lekë kilovati. Nëse ne e japim tek biznesi me çmim të arsyeshëm vetëm fitohet. Do kemi paketë fiskale inkurajuese për biznesin. Natyrisht 5 vitet e para do jenë për biznese në fusha të caktuara do jenë të lira nga taksat. Përveç kontributeve, por edhe ato do i përgjysmojmë. I kemi pasur 15, i kemi gjetur tek 38-40. Ne besojmë tek taksat e ulëta”, tha Berisha.
