Fitorja e Napolit ndaj Empolit dhe ajo e Barcelonës ndaj Osansunës, do të jenë kryefjalë e mediave sportive për ditën e sotme. Napoletanët janë skuadra me më shumë pikë të grumbulluara gjatë vitit 2022 dhe do ta mbyllin si lider të Serie A.
Ndjekim disa nga titujt kryesorë të mediave botërore sportive për ditën e sotme:
La gazzetta dello Sport hapet me titullin: “Napoli vazhdon” dhe “Milani Frenon ”. Napoli vazhdon të shkëputet në Serie A dhe barazimi i Milanit ndaj Cremoneses e ndihmoi më tepër.
“Kampionët e vitit” ka shkruar Corriere dello Sport, e cila i bën homazhe super liderit Napoli, të kurorëzuar si kampionët e vitit 2022.
Në Tuttosport hapja i kushtohet intervistës me presidentin e Real Madridit, Florentino Perez: “Ta ndryshojmë futbollin”. Nuk heqim dorë nga projekti i Superligës. Ndërkohë, Juventus dëshiron ende të besojë në kampionat.
“Barça po udhëheq botën” është titulli i prestigjiozes Marca. Barcelona e mbyll vitin 2022 si lidere e La Ligas pas fitores me vuajtje ndaj Osansunës dhe perlës së Raphinhas.
Katalanasja Sport hapet me titullin “Heorike”, duke u fokusuar gjithashtu tek paraqitja fantastike e Barçës në La Liga.
Në Britani, Mirror Sport vendos si titull kryesor: “Plagët dhe vijat”. Trajneri i SHBA-së, Berhalter paralajmëron Southgate se dëshiron të “krenojë” Amerikën duke krijuar histori dhe duke mposhtur Anglinë në “Black Friday” gjatë Kupës së Botës.
