Situata mes Francës dhe Italisë, momentalisht është shumë e tensionuar. Kjo pasi një anije që transportonte qindra azilkërkues të shpëtuar në Mesdheun qendror u ankorua në portin francez të Toulon pas gati tre javësh të lënë në det të hapur pasi qeveria Meloni nuk jepte autorizm për zbarkimin e tyre në portet italiane. Qeveria franceze e quajti Italinë “të papërgjegjshme” dhe “çnjerëzore” që nuk i erdhi në ndihmë anijes.
Në një intervistë për Messaggero, zëvendësministri i Jashtën italian Edmondo Cirielli shpjegon qëndrimet e tij për sulmet e marra së fundmi nga Franca dhe mbi të gjitha se cili është qëndrimi i Italisë në lidhje me kontrollet e intensifikuara nga Parisi në kufirin mes Francës dhe Italisë: “Duket si një mburrje. Nëse ne arsyetuam në të njëjtën mënyrë, ne duhet të dërgojmë forcat e sigurisë në kufi për të parandaluar rikthimet e paligjshme në Itali. Ne preferojmë të flasim dhe t’u përmbahemi marrëveshjeve.” Më pas ai flet për lëvizjet e radhës të Italisë edhe në frontin europian: ” Ne do të paraqesim një qasje të kundërt në Këshillin Europian. Problemi nuk është të rishpërndajmë emigrantët, është të pengojmë që të largohen dhe të sigurohemi që ata të kërkojnë ligjërisht të drejtën në azil”.
Më pas ai i kthehet sërish qëndrimeve të Francës në kohët e fundit: “Franca ka kohë që vepron si një fuqi postkoloniale dhe ndihet përgjegjëse për zonën afrikane. Ne nuk jemi entuziastë për qasjen, por e dimë mirë natyrën e francezëve diplomaci”.
Së fundi, ai flet edhe për masat e radhës që do të merren për t’iu kundërvënë fluksit të pandërprerë të zbarkimeve: “Mbi të gjitha duam të rinisim fazën përfundimtare të saj. Kjo është kapja dhe shkatërrimi i varkave të zbrazëta të kontrabandistëve në bregdet, përpara se ata të ikin. Europa duhet t’i ndalë këta, taksistët e vdekjes”.
