Ish shefi i komisariatit, Robert Aga është sulmuar fizikisht para Gjykatës së Shkallës së Parë në Dibër.
Ngjarja është rrëfyer nga ish kreu i njësisë Administrative Hasan Hoti, i cili së bashku me Agën akuzohen për krim elektoral në kuadër të dosjes 184.
Sipas deklaratës së Hotit, Robert Aga është sulmuar fizkisht nga disa persona ndërkohë që ka qenë duke pritur nisjen e seancës para gjykatës së Shkallës së Parë në Dibër. Me deklaratën e bërë, Hasan Hoti justifikoi edhe vonesën e tij në seancë.
Ndërkohë ende nuk ka pasur një njoftim zyrtar nga policia lidhur me ngjarjen e raportuar.
