Ky është momenti i kapur rreth orës 4:00 të mëngjesit të sotëm në Lezhë kur ka marrë flakë makina e biznesmenit Ndue Pjetrushi.
Në pamjet e publikuara, duket teksa flakët e mëdha kanë përfshirë zonën, ndërsa policia dhe zjarrfikësit nuk duken ende.
Automjeti tip Benz ndodhej i parkuar në anë të rrugës, para shtëpisë së biznesmenit, ku edhe u përfshi nga flakët.
Vetë 56-vjeçari ka deklaruar për mediat se nuk ka konflikte me askënd, ndërsa dyshon se zjarrvënia mund të jetë e qëllimshme.
