Na ndajnë vetëm pak ditë nga festat e nëntorit. Edhe këtë vit pjesa më e madhe e qytetarëve shqiptarë kanë zgjedhur që këto ditë pushimi t’i kalojnë jashtë vendit Operatorët turistikë thonë se krahasuar me vitet e kaluara, ka një rritje të kërkesave për rezervime.
Vendet fqinje janë destinacionet kryesore, por Stambolli mbetet i preferuari i shqiptarëve për të kaluar festat.
Sipas “Monitor”, agjencitë e udhëtimeve pohojnë se këtë vit, shqiptarët kanë zgjedhur të shkojnë kryesisht në disa prej vendeve të rajonit, që kanë pasur oferta të kënaqshme, sidomos ato si resorte me ski.
Kanë qenë kryesisht në destinacione të qyteteve italiane, por edhe Stambolli vijon të jetë i preferuar. Disa nga kërkesat, sipas tyre kanë qenë për qytete si Vjena, Amsterdami, Brukseli et.
Destinacionet me ofertat më të mira, edhe këtë vit, ka qenë Budva dhe Stambolli.
E kundërta ndodh me shqiptarët e Kosovës të cilët 28 nëntorin zgjedhin ta festojnë në Shqipëri. Destinacionet kryesore të tyre, janë Vlora, Durrësi e Tirana.
