Gjermania humbi dje 2-1 me Japoninë në Kupën e Botës. Përpara ndeshjes në Katar, kombëtarja gjermane pozoi me gojën e mbyllur si shenjë proteste për mungesën e të drejtave të njeriut në vendin organizator.
Vendimi i FIFA që kapitenët mos mbajnë shiritin me ngjyra të komunitetit LGBT, ka sjellë këtë vendim. FIFA ka vendosur që mos penalizojë kombëtaren gjermane për protestën.
“Nuk kishte të bënte me marrjen e një pozicioni politik. Të drejtat e njeriut nuk janë të negociueshme. Ky duhet të jetë rregull, por ende nuk është. Kjo është pikërisht arsyeja pse mesazhi i përcjellë është kaq i rëndësishëm për ne.
Të ndalosh shiritin tonë është si të na ndalosh të flasim. Ne i qëndrojmë ende qëndrimit tonë. Ne donim të përdornim shiritin e kapitenit për të promovuar vlerat ekzistuese në Gjermani: diversitetin dhe respektin reciprok. Ne donim të thoshim zërin tonë, së bashku me kombet e tjera”, shkruan federata gjermane.
