Kreu i Partisë Demokratike, ka paralajmëruar se do të zhvillohet një protestë përpara Portit të Durrësit.
Në kominikimin e tij me qytetarët në Facebook, kryedemokrati shprehet se porti është dhe ka qenë krenaria dhe simboli i qytetit të Durrësit, dhe se opozita nuk do ta lejojë kurrë që kjo të kthehet në një pronë private të kryeministrit Edi Rama.
Më tej Berisha cilësoi tre veprimet që opozita do të ndërmarrë kundër mega-aferës së Portit të Durrësit.
“Problemi me Portin e Durrësit, për të cilin u votua që të vidhet mesnatën e të enjtes që kaloi, është një problem madhor.
Së pari, ne kemi dërguar në Kushtetuese marrëveshjen.
Së dyti do krijojmë një Komision Hetimor.
Së treti do qëndrojmë me mosbindje civile dhe të gjitha format.
Së fundmi, u bëj thirrje qytetarëve dhe kompanive që të qëndrojnë larg kësaj mega-afere. Asgjë nuk dihet t’i joshë ata për të investuar, për t’u mashtruar nga ndërtimet në këtë shesh.”- u shpreh ai.
