Fitorja e Argjentinës ndaj Meksikës dhe paraqitja fenomenale e Leo Messit, janë në fokus të mediave sportive për ditën e sotme.
Ndjekim disa nga titujt kryesorë:
“Jetë të gjatë mbretërve” është titulli i të përditshmes La Gazzetta dello Sport, duke lënë hapësirë të bollshme për paraqitjet kryesore të superyjeve të Francës dhe Argjentinës, përkatësisht fitimtare ndaj Danimarkës dhe Meksikës.
Hapësirë për Kupën e Botës edhe në Corriere dello Sport me titullin: “Maraleo”, e cila bën shkrirjen mes Messit dhe Maradonës tek kombëtarja Albiceste.
Në vend të Kupës së Botës, Tuttosport fokusohet në tregun e transferimeve të Juventusit: “Juve Zaniolo nuk ka mbaruar”.
“Forca Spanja” shkruan prestigjiozja Marca, e cila fokusohet në ndeshjen e sotme të ‘Roja’ kundër Gjermanisë, ndeshje e cila me fitoren mund të vulosë kualifikimin.
L’Equipe feston suksesin e Francës dje ndaj Danimarkës: “Kualifikuesi Mbappè”. Ylli francez shënoi dopietë ndaj Danimarkës dhe vulosi kualifikimin e ‘Gjelave’ për në raundin tjetër.
