Një shkrimtar vendosi të kishte një jetë ndryshe sepse mendonte se do të ishte shumë më pak stresuese si një kafshë.
Nuk ka fatura për të paguar as punë për të bërë, thjesht shtrihesh në një fushë duke ngrënë bar.
Për disa tingëllon e çuditshme, por për të tjerët është ideale.
Megjithatë, njerëzit nuk mund të bëjnë shumë për të transformuar veten në dhi dhe për t’i shpëtuar përgjegjësive të jetës së përditshme, por disa vite më parë autori Thomas Thwaites vërtetoi të kundërtën.
Në librin e tij GoatMan: How I Take A Holiday From Being a Human, Thwaites përshkruan se si ai adoptoi thundrat protetike dhe u përpoq të hante bar për të jetuar më shumë si një dhi, pas vitesh duke besuar se jeta do të ishte shumë më pak stresuese si një kafshë.
Në një intervistë në programin Today të BBC Radio 4, Thwaites kujtoi se si fëmijë kishte menduar se nuk do të kishte nevojë të shkonte në shkollë nëse do të ishte mace.
Thwaites kaloi nëntë muaj duke u përpjekur të jetonte si dhi, ndërsa financimi i tij ndihmoi në pagesën e gjymtyrëve protetike, duke përfshirë dy këmbë dhe thundra shtesë, të bëra nga një mjek në klinikën e protetikës të Universitetit të Salfordit.
Ai gjithashtu mendoi të merrte një stomak të rremë për ta ndihmuar në tretjen e barit, por duhej ta braktiste atë plan për shkak të paralajmërimeve shëndetësore.
Autori përfundimisht udhëtoi në një fermë në Alpe për t’u zhytur plotësisht në jetën e dhive, pas së cilës ai e përshkroi përvojën tre-ditore në fermë si “një lloj kohe të veçantë”.
