I ftuar në emisionin, analisti Milaim Zeka ka folur në lidhje me situatën e tensionuar të ditëve të fundit në Veriun e Kosovës.
Sipas Zekës situata aty është e tensionuar, ndërsa shtoi se Vuçiç dhe Serbia po bëjnë disa lëvizje strategjike për të ndjellë frikë te qytetarët.
‘Situata në veriun e Kosovës është e tensionuar. Serbët janë duke bërë disa lëvizje strategjike për të ndjellë një frikë te vetë qytetarët, duke zhvendosur pleq, gra e fëmijë nga banesat e tyre. Ky është një skenar i Vuçiç dhe forcave të errëta serbe që po mendojnë të rrisin ‘pazarin’ e dialogut. Nuk ka ndonjë panik për luftë. Vuçiç e di shumë mirë që përsa kohë në Kosovë sikur të ketë vetëm një ushtar amerikan, ai nuk ka asnjë mundësi për të bërë diçka.’
