Ministrja e Infrastrukturës dhe Energjisë, Belinda Balluku, ka dhënë një lajm të mirë.
Me anë të një statusi në rrjetet sociale, Balluku bën me dije se Shqipëria ka marrë Presidencën e Komunitetit të Energjisë për vitin 2023.
Ajo thekson se viti i ardhshëm do të jetë vendimtar sa i takon angazhimit të Ballkanit Perëndimor për të miratuar objektivat e vendosura nga Bashkimi Europian mbi sektorin e energjisë.
“Vjenë, Shqipëria merr Presidencën e Komunitetit të Energjisë për vitin 2023.
Me Kadri Simson, Komisionerja e BE për Energjinë dhe Artur Lorkoësi, Drejtor i Sekretariatit të Komunitetit të Energjisë.
Viti i ardhshëm do të jetë vendimtar sa i takon angazhimit të Ballkanit Perëndimor për të miratuar objektivat e vendosura nga Bashkimi Europian mbi energjinë e rinovueshme, efiçencën e energjisë, apo dhe treguesve të tjerë lidhur me mbrojtjen nga ndryshimet klimatike. ????????Shqipëria, si vendi i vetëm që i ka miratuar këto objektiva që vitin e shkuar do të drejtojë përmes shembullit dhe do vijojë të nxisë bashkëpunimin rajonal si katalizator i suksesit të përbashkët drejt përmbushjes së të gjitha kërkesave të ????????BE në fushën e energjisë”, thekson zv.kryeministrja.
