Atentati ndaj Edmond Papës, autori kishte dijeni për lëvizjet e fundit të 49-vjeçarit

Edmond Papa, 49-vjeçari që u vra më 9 plumba dyshohet se është ndjekur nga autori prej disa ditësh.

Madje ka dyshime se vrasësi të kishte informacione të sakta për lëvizjet e këtij të fundit. Dyshohet gjithashtu se një i njohur i viktimës mund të ketë vënë në dijeni autorin edhe për udhëtimin e 49-vjeçarit në Tiranë, bëjnë me dije burimet për Report TV.

Grupi hetimor ka sekuestruar edhe kamerat e sigurisë të zonës ku ndodhi vrasja edhe të ditëve të mëparshme, për shkak se dyshohet se autori ose autorët mund të kenë vëzhguar më herët zonën pranë banesës së vëllait të Edmond Papës.